كلمات T.q أغنية ع نفس الرصيفـ

على نفس الرصيف والحزن مكبــــود \ جمله وارددها ليت الماضي يــعود

قلت اللي بخاطـري وصارحت الكثي \ وكان جوابهم لي تفكيرك محدود

صـيف وربيــع,شتـا وخريــف \ وهل راح ابقى على نفس الرصـــــيف

تغيرت الامور تغيرت الاوضاع \ زمـن مـالـه امـان وعــالـم مـخـيـف

ضحكة مسـرور صـرخة مقهـور \ صـوت عـالي لشـخـص يتكلم بغرور

اصوات اسمعها من سكيك قريبه \ كلن منا معذور وعلى الصمت مجــبــور

مـاسـك عـلـبة رش واشـوف اليـدار \ فـي بالي جمـلتين محتار شو اخـتار

وبدون احساس اشوف نفسي اكتب \ على نفس الرصيف وهذا هو القرار



الـــكورس

على نفس الرصــيف شفت حال البشر اللي تـغير واللي تكـبر واللي في كـرامته

ما افـتكـر

على نفس الرصيف شفت حال البشر اللي تخرج واللي تزوج واللي ضاع واستوا

مروج


المقطع الثاني

لو ينطق الرصيف جان تكلم عن علومي \ ادرى بحالتي وعنده سلة همومي

لو يـبكي جان بكـى وصـرخ يـطلب وفـا \ ويايه شـاف الناس اللي حطمونــي

مرور شخص نعرفه من سنـــين \ مر بدون ما يسلم ولا جنه موجوديــن

شو السالفه يا الربع مب هذا ربيعنا \ قالولي الريال ترا يداوم الـحـين

وصديق كلامه سم بدون ما يهتـم \ وينسـى كـم سـاندته كـم وكـم

بصبر على الوقت وادوس على الـهـــم \ واترك عني الغم لو يسيل مني الدم

وعلى نفس الرصيف وقفوا مـعـاي \ ناس ودعوا الدنيا وكنت لهم مـحتـاي

ما انسى وقفتهم ولا حتى سوالفهم \ ادعليهم بالرحمه ويا ليتهم ويـاي



الـــكورس

على نفس الرصــيف شفت حال البشر اللي تـغير واللي تكـبر واللي في كـرامته

ما افـتكـر

على نفس الرصيف شفت حال البشر اللي تخرج واللي تزوج واللي ضاع واستوا

مروج


المقطع الثالث

على نفس الرصيف هذا شفت العجــب \ مشاكل بغيت اعرف عنها منو السـبـــب

لا الغلط من البشر ولا حتى من الدنيا \ بس هذي هي عيشتنا والقدر انكـتــب

على طاولة الدراسه والموضوع في البدايه \ تفكيري في الفوضه وخرشة اللي وياه

نصحوني اللي كانوا وياي في نفس الصف \ ما فادني الكلام وتحسفت في النهايــه

رجعت للرصيف وقلت هذا مكاني \ هني يرتاح البال وانسى كل احزاني

مرت الايام وانا على هذا الحال \ مكتوب اللي يصير ليش افكر واعاني

على نفس الرصيف فهمت طبع البشـر \ اضحك واسولف ومن داخلي ميت قـهـر

ما لقيت الا الجفى والملامه والفراق \ وعلى نفس الرصيف انا مالي الا الصبـر



الـــكورس

على نفس الرصــيف شفت حال البشر اللي تـغير واللي تكـبر واللي في كـرامته

ما افـتكـر

على نفس الرصيف شفت حال البشر اللي تخرج واللي تزوج واللي ضاع واستوا

مروج




TIK TIK AHH عايش في لوتاه وقروب L.side

thank youou

تسلم عالكلمات........

شيبوه

يسلموو
والله انا ادور هاي الاغنيه ومره ثانيه شكراً